Catch Me If You Can (2002) HD

“Më kap nëse mundesh” është historia e vërtetë e falsifikatorit Frank Abagnale Jr. i cili lindi më 27 prill të vitit 1948 dhe e shtriu “aktivitetin” e tij të mashtrimit për pesë vjet në vitet ’60. Mashtrimi i tij i parë ishte firmosja e çeqeve mbi llogarinë e tij, por tejet të ekzagjeruar. Ai u maskua si një pilot “Frank Williams” për të bërë xhiro falas rreth e rrotull botës. Më vonë u shtir si pediatër për 11 muaj në spitalin e Georgia-s, nën emrin “Frank Williams”. Falsifikoi diplomën e juristit të Universitetit të Harvardit, mori provimin e avokatit në Lousiana dhe zuri punë në zyrën e prokurorit të Përgjithshëm të Shtetit të Lousianës. Për 5 vjet ai punoi me 8 identitete të ndryshme, megjithëse përdorte më shumë para të thata se sa çeqe.